March 15, 2012

ஞாயிறு பயணம்



அம்மாவின் பிடிசோறும்  புளி ரசமும் 
அப்பாவுடனான ஸ்கூட்டர் பயணம்
கைகடிகாரம் கடன் கேட்ட கடைசி தம்பி 
தாடியை எடுக்க சொன்ன தங்கை 

நண்பர்களுடன் பார்த்த திரைப்படம் 
மின்வெட்டு நேரத்து உரையாடல்கள் 
அசலை தாண்டிய வட்டிகள்  
நாளைய நிலுவை வேலைகள் 

இவையனைத்தும் 
நினைவில் வந்து போகும் 
வேலைக்கு திரும்பும்
பேருந்து பயணம் ஒன்றில் 

காதில் இசையை அடைத்து
மனதை கலைக்கும் முயற்சியில்
உறங்கி ஜெயிக்கின்றேன் 
ஒவ்வொரு பயணத்திலும்


இதையும் பார்க்கலாமே...

Related Posts with Thumbnails