May 15, 2012

சிறகினிலே..



விழித்தவுடன் தேடுகிறாள் 
நேற்றிரவு மயில் தோகை 
மூடிவைத்த புத்தகத்தை 
திறந்தவுடன் வியக்கிறாள் 
அது போட்ட மூன்று 
குட்டிகளை பார்த்து  
நான் சொன்னேன்ல 
மயில் குட்டி போடும்னு என்று   
அப்பாவிடம் காட்டுகிறாள் 
இதெல்லாம் சும்மா என்கிறார்   
அவள் தலையை கோதியபடி 
பிறகு அம்மாவிடம் ஓடுகிறாள் 
குட்டிக்கு என்ன சாப்பாடு 
போடனும்மா என்கிறாள் 
நேரம் ஆகுது 
போய் பல் தேய் ஏன்கிறாள்  
வகுப்பில் சக தோழிகளிடம் 
அதிசயம் ஒன்று காட்டபோவதாக 
மயில் குட்டிகளை காட்டுகிறாள் 
இமை மூடாமல் பார்த்த அவர்கள் 
தங்களுக்கும் மயில் குட்டிகள் 
வேண்டும் என கேட்டார்கள் 
தோழிகளுக்காக நான்கு பக்கங்களில் 
மயில் தோகையுடன் 
சிறிது காய்ந்த பூக்களையும் 
சிறிது சீவிய பென்சில் துகள்களையும் 
வைத்துவிட்டு உறங்க செல்கிறாள்   
நாளை அது போடும் குட்டிகளை 
காணும் கனவுடன்

இதையும் பார்க்கலாமே...

Related Posts with Thumbnails